கிருஷ்ணகிரி நவ 23,
பாளேத்தோட்டம் ஊராட்சி மூங்கம் பட்டி கிராம மக்கள் தார் சாலை அமைக்க வேண்டி பர்கூர் எம்எல்ஏ மதியழகன் அவர்களிடம் கோரிக்கை மனு அளித்தனர் .
கிருஷ்ணகிரி மாவட்டம் போச்சம்பள்ளி அடுத்த பாளேத்தோட்டம் ஊராட்சி மூங்கம்பட்டி, காட்டு மூக்கம்பட்டி, அருந்ததியர் நகர், அம்பேத்கர் நகர், குஞ்சால் கவுண்டர் கொட்டாய் மற்றும் அதனை சுற்றியுள்ள கிராமத்தில் சுமார் 500 க்கும் மேற்ப்பட்ட குடும்பங்கள் வசித்து வருகின்றனர். இந்த பகுதி கிராம மக்கள் சுமார் 80 ஆண்டுகளுக்கும் மேலாக மண் சாலையை பயன்படுத்தி வருகின்றனர். கிராம மக்களின் முக்கிய பிரதான சாலையான இந்த சாலையை மழை காலங்களில் பயன்படுத்த முடியாத சூழல் உள்ளது. மேலும் மண் சாலை என்பதால் விஷ ஜந்துக்கள் சாலையில் கிடப்பதால் அதனால் மனித உயிருக்கு பெரிதும் பாதிப்பு ஏற்படுவதாகவும் மேலும் பள்ளி கல்லூரி மாணவர்கள் சிப்காட் கம்பெனிகளுக்கு செல்லும் பணியாளர்கள் வேளைக்கு வெளியூர் செல்லும் கிராம மக்கள் மற்றும் அடிப்படை பணிகளுக்கு செல்ல முடியாத சூழல் ஏற்படுவதாக கிராம மக்கள் வேதனை தெரிவித்தனர். எனவே இந்த மண் சாலையை தார் சாலையாக மாற்றி கிராம மக்கள் பயன்பாடிற்கு கொண்டுவர வேண்டுமென திமுக மாவட்ட கழக செயலாளரும் பர்கூர் சட்டமன்ற உறுப்பினருமான மதியழகன் எம்எல்ஏவிடம் நூற்றுக்கும் மேற்பட்ட கிராம மக்கள் மன அழுத்தனர் மனுவை விசாரணை மேற்கொண்ட சட்டமன்ற உறுப்பினர் விரைந்து சாலை அமைக்க ஏற்பாடு செய்வதாக கிராம மக்களிடம் உறுதியளித்தார் இதில் ஒன்றிய கழகச் செயலாளர் குணா வசந்த அரசு பாலை தோட்டம் முன்னாள் ஊராட்சி மன்ற துணைத் தலைவர் கோபி மற்றும் கிராம மக்கள் கலந்து கொண்டனர்.