ஊட்டி, நவம்பர் —7,மைசூரில் உள்ள ஜேஎஸ்எஸ் உயர் கல்வி மற்றும் ஆராய்ச்சி அகாடமிக்குச் (ஜேஎஸ்எஸ் AHER) சொந்தமான ஊட்டியின் ஜேஎஸ்எஸ் மருந்தியல் கல்லூரியில், “AI-இயக்கப்படும் மருத்துவ ஆராய்ச்சி: பால தொழில்நுட்பம், உயிரி மருத்துவ ஆராய்ச்சி மற்றும் சுகாதார அறிவியல்” என்ற தலைப்பில் மூன்று நாள் தேசிய பட்டறை தொடங்கப்பட்டது. இப்பட்டறை சுகாதார ஆராய்ச்சித் துறை (DHR) மற்றும் இந்திய மருத்துவ ஆராய்ச்சி கவுன்சில் (ICMR) ஆகியவை இணைந்து நிதியிடுகின்றன.
இந்த பட்டறையின் மூலம் மருத்துவம், மருந்தியல், உயிரி மருத்துவம் மற்றும் சுகாதாரத் துறைகளில் செயற்கை நுண்ணறிவு (AI) பயன்பாட்டை வலுப்படுத்துவதுடன், துறைகளுக்கு இடையேயான ஒத்துழைப்பு மற்றும் திறன் மேம்பாட்டை ஊக்குவிப்பது நோக்கமாகக் கொண்டுள்ளது.
பட்டறை தொடக்கம்
தமிழ்த்தாய் வாழ்த்து மற்றும் பிரார்த்தனையுடன் நிகழ்ச்சி ஆரம்பமானது. மருந்தியல் பயிற்சி துறைத்தலைவர் பேரா. டாக்டர் எஸ். பொன்னுசங்கர் வரவேற்புரை நிகழ்த்தினார்.
பட்டறையின் நோக்கத்தையும் பயன்களையும் விளக்கி, ஒருங்கிணைப்பாளர் டாக்டர் எம். தீபலட்சுமி, மருத்துவத் தரவு பகுப்பாய்வு, முன்கணிப்பு மாதிரிகள், டிஜிட்டல் சுகாதார அமைப்புகள் ஆகியவற்றில் நிபுணத்துவம் அவசியம் என்பதை வலியுறுத்தினார்.
கௌரவ விருந்தினர் உரை
இந்திய மருத்துவச் சங்கம் (IMA) நீலகிரி மாவட்ட முன்னாள் தலைவர் டாக்டர் ரவி திலக் ராஜ், மருத்துவம் மற்றும் தொழில்நுட்ப இணைப்பை ஊக்குவிக்கும் கல்லூரியின் பங்களிப்பை பாராட்டினார்.
தலைமை உரையாற்றிய மருத்துவர் தனபால் பேசியாதாவது
JSS மருந்தியல் கல்லூரி முதல்வர் டாக்டர் தனபால், தேசிய கல்விக் கொள்கை – 2020 யின் நோக்கங்களுடன் இணைந்து, துறைகளுக்கு இடையேயான கற்றல் மற்றும் ஆராய்ச்சியை JSS AHER தொடர்ந்து முன்னெடுத்து வருவதாகத் தெரிவித்தார்.
சிறப்புரையாற்றிய மருத்துவர் மணிஷ் சர்மா கூரியதாவது:-
கூகிளின் (குர்கான்) APAC AI மற்றும் டிஜிட்டல் மாற்றம் பிரிவு தலைவர் டாக்டர் மணீஷ் சர்மா, மருத்துவத் துறையில் AI-இன் எதிர்கால மாற்ற சக்தி குறித்து உரையாற்றினார். பொறுப்பான AI பயன்பாடு, நெறிமுறை தரவு மேலாண்மை மற்றும் கல்வி–தொழில் இணைப்பின் அவசியத்தை அவர் வலியுறுத்தினார். இந்த துவக்க விழாவில்
நாடு முழுவதும் உள்ள 20க்கும் மேற்பட்ட உயர்கல்வி நிறுவனங்கள் மற்றும் தொழில்துறைகளில் இருந்து 150-க்கும் மேற்பட்ட அறிவியல் பிரதிநிதிகள் பங்கேற்றுள்ளனர். மேலும், பட்டறை கருப்பொருளை சார்ந்த 20 உயர்தர ஆராய்ச்சி கட்டுரைகள் வழங்கப்படுகின்றன.இறுதியாக துணை முதல்வர் டாக்டர் அருண் நன்றியுரையாற்றினார்
