“அரூர் தனி தொகுதியில் திமுகவே நிக்கும்; நாங்கள் வெற்றி பெறுவோம்”
அரூர் பொதுக்கூட்டத்தில் திமுகவின் உறுதியான அறிவிப்பு
விடுதலை சிறுத்தைகள் கட்சிக்கு ?
அரூரில் நடைபெற்ற ‘தமிழ்நாடு தலை குனியாது’ என்ற மாபெரும் பொதுக்கூட்டத்தில் தர்மபுரி எம்.பி. ஆ.மணி தெளிவான நிலைப்பாட்டை அறிவித்தார்.
“அரூர் தனி தொகுதியில் திமுகவே நிக்கும்; நாங்கள் வெற்றி பெறுவோம்” என்று அவர் தனது பேச்சில் தெரிவித்தார்.
இந்த அறிவிப்பு பொதுமக்கள் முன்னிலையில் வெளியிடப்பட்டது,
இது திமுகவின் உள்ளூர் ஆதிக்கத்தை மேலும் வலுப்படுத்தும் வகையில் உள்ளது.
பொதுக்கூட்டம் திமுகவின் பிரசார இயக்கத்தின் உச்சமாக அமைந்தது,
மாவட்ட முழுவதும் உள்ள ஆதரவாளர்கள் கலந்துகொண்டனர்.
2026 சட்டமன்றத் தேர்தலில்விடுதலை சிறுத்தைகள் கட்சிக்கு அரூர் தனி தொகுதியில் இடம் இல்லை என்பது உறுதியாகிறது
விடுதலை சிறுத்தைகள் கட்சி நீண்ட காலமாக அரூர் (எஸ்சி) சட்டமன்றத் தொகுதியை பெறுவதற்காகவும், 2026 தேர்தலில் அதில் போட்டியிட்டு வெற்றி பெறுவதற்காகவும் எதிர்பார்த்து வந்தது.
இருப்பினும், திமுகவின் தர்மபுரி வெற்றியும், ஆ.மணியின் பொதுக்கூட்ட அறிவிப்பும் இந்த எதிர்பார்ப்புக்கு முடிவு கட்டியுள்ளன.
இது திமுக-விசிக கூட்டணியின் எதிர்காலத்தைப் பற்றிய கேள்விகளை எழுப்புகிறது,
தர்மபுரி நாடாளுமன்றத் தொகுதி பாரம்பரியமாக திமுகவுக்கு சாதகமான இடமாக உள்ளது, இங்கு அரூர், பாலக்கோடு, பென்னாகரம், தர்மபுரி, பாப்பிரெட்டிபட்டி உள்ளிட்ட சட்டமன்றத் தொகுதிகள் அடங்கியுள்ளன.
விசிக கட்சியின் தலைவர் தொல்.திருமாவளவன் நீண்ட காலமாக அரூர் தொகுதியில் விடுதலை சிறுத்தைகள் கட்சி வேட்பாளர் நின்று வெற்றி பெற வேண்டும் என எதிர்பார்க்கப்பட்ட நிலையில்,
தர்மபுரி நாடாளுமன்ற உறுப்பினர்
ஆ.மணியின் திமுகவின் உள்ளூர் செல்வாக்கு அதை மீறியுள்ளது.
விடுதலை சிறுத்தைகள் கட்சியின் ஆதரவாளர்களும் இதை ஏற்றுக்கொள்வதா என்பது எதிர்காலத்தில் தெரியும்.
விடுதலை சிறுத்தைகள் கட்சிக்கு வருகின்ற 2026 சட்டமன்ற தேர்தலில் தொகுதி ஒதுக்கப்படவில்லை என்றால் அதிமுக வெற்றி பெறுவதற்கான மிகப்பெரிய வாய்ப்பாக அமையும் என்பது குறிப்பிடத்தக்கது