விழுப்புரம் நவ 5,
விழுப்புரம் விக்கிரவாண்டி சுங்கச்சாவடி அருகே சென்னை – திருச்சி செல்லும் தேசிய நெடுஞ்சாலையில் சாலையை கடக்க முயன்ற சிறுத்தை அவ்வழியே சென்ற வாகனத்தில் அடிபட்டு உயிரிழந்த சம்பவம் அப்பகுதியில் பரபரப்பை ஏற்படுத்தியுள்ளது.
விழுப்புரம் மாவட்டம் விக்கிரவாண்டி சுங்கச்சாவடி அருகேயுள்ள மேம்பால பகுதியான சென்னை – திருச்சி செல்லும் தேசிய நெடுஞ்சாலையில் நள்ளிரவு சிறுத்தை ஒன்று சாலையை கடக்க முயன்றபோது அவ்வழியே சென்ற அடையாளம் தெரியாத வாகனத்தில் அடிப்பட்டு சம்பவ இடத்திலேயே உயிரிழந்துள்ளது. இதனையடுத்து அவ்வழியாக சென்ற வாகன ஓட்டிகள் விக்கிரவாண்டி காவல்துறையினர் மற்றும் வனத்துறையினருக்கு தகவல் தெரிவித்ததன் பேரில் அங்கு வந்த வனத்துறையினர் சிறுத்தையை கைப்பற்றி எடுத்து சென்றனர்.
மேலும் இச்சம்பவம் தொடர்பாக விக்கிரவாண்டி காவல்நிலைய போலீசார் விசாரணை மேற்கொண்டு வருகின்றனர்.
விக்கிரவாண்டி பகுதியில் இதுவரை சிறுத்த நடமாட்டம் தென்படாத நிலையில் தீடீரென சிறுத்தை ஒன்று சாலையில் அடிப்பட்டு உயிரிழந்த கிடந்த சம்பவம் அப்பகுதியினரிடையே அச்சத்தையும் பரபரப்பினை ஏற்படுத்தியுள்ளது.