சேலம் நவ 5,
சேலம் மாவட்டம் வாழப்பாடி அருகே மேற்கு சட்டமன்ற உறுப்பினர் அருள் மற்றும் அவரது ஆதரவாளர்கள் பாட்டாளி மக்கள் கட்சியை சேர்ந்த நிர்வாகியின் தந்தை காலமானதை அடுத்து அங்கு ஆறுதல் சொல்ல சென்றார்.
அருள் எம்எல்ஏ மற்றும் அவருடன் வந்தவர்களின் கார் ஊர் எல்லையில் உள்ள அன்புமணியின் ஆதரவாளரான ராஜேஷ்குமாரின் தோட்டத்தின் அருகில் நிறுத்தினார்கள். இதனை அடுத்து ராஜேஷ்குமார் அங்கு வந்து ஏற்கனவே அன்புமணி ஆதரவாளர்களுக்கும், ராமதாஸ் ஆதரவாளர்களுக்கும் தகராறு உள்ளது .
எதற்கு எனது தோட்டத்தில் கார்களை நிறுத்தி உள்ளீர்கள் என ராஜேஷ்குமார் கேட்டிருக்கிறார்.இதனால் ஆத்திரமடைந்த சிலர் அவரை திட்டி தாக்க முற்பட்டதாக தெரிகிறது. இதனை அறிந்த போலீசார் விரைந்து சென்று ராஜேஷ்குமாரை சமாதானம் செய்து அங்கிருந்து அழைத்துச் சென்று விட்டனர்.இதன் பின்னர் அருள் எம்எல்ஏ மற்றும் அவரது ஆதரவாளர்கள் இறந்தவர் வீட்டுக்கு சென்று விட்டு திரும்பி வரும்போது சிலர் காரை வழிமறித்து தாக்குதல் சம்பவம் நடந்துள்ளதாக தெரிகிறது.
சேலத்தில் அருள் எம்எல்ஏ மற்றும் அவரது ஆதரவாளர்கள் தாக்கப்படும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.இந்த சிசிடிவி காட்சிகளை வைத்து போலீசார் விசாரணை செய்து வருகிறார்கள்.